கால்பந்து சர்வதேச அளவில் பெரும்பாலான நாடுகளில் விளையாடப்படும் விளையாட்டு ஆகும். இந்த விளையாட்டில் ஆடும் இரு அணிகளிலும் தலா பதினோரு வீரர்கள் விளையாடுவர். விளையாட்டு நடைபெறும் களம் 50 மீட்டருக்கு 110 மீட்டரில் செவ்வகமாக அமைக்கப்படுவது சர்வதேச அளவில் அங்கீகரிக்கப்பட்ட அளவாகும்.  பொதுவாக 45 முதல் 90 மீட்டர் வரை அகலத்திலும், 90 முதல் 120 மீட்டர் நீளத்திலும் செவ்வக வடிவத்தில் அமைக்கப்படுகிறது. 

      ஆடுகளம் இரு சமபாகமாக பிரிக்கப்படும். களத்தின் மையத்திற்கு நேரெதிர் திசையில் இரு பக்கமும் கோல்வலை அமைக்கப்பட்டிருக்கும். வீரர்கள் தங்களுக்கு எதிர்திசையில் உள்ள வலைக்குள் பந்தைச் செலுத்துவதே கோல் எனப்படுகிறது. ஒரு அணி வீரர் பந்தை எடுத்துச் செல்லும்போது எதிரணி வீரர் தட்டிப்பறித்து ஆடுவார். ஒரு வீரர் இன்னொரு வீரரைப் பிடித்து இழுப்பதோ, தள்ளுவதோ, தாக்குவதோ தவறான ஆட்டமாகக் கருதப்பட்டு அந்த வீரர் தண்டிக்கப்படுகிறார். 

      ஒவ்வொரு ஆட்டத்தின்போதும் ஒரு உள்கள நடுவரும், இரண்டு பக்ககள நடுவர்களும் ஆட்டத்தைக் கண்காணிப்பர். கோல் அடிக்கப்பட்டதா? வீரர்கள் தவறு செய்தார்களா? அவர்களுக்கு வழங்கவேண்டிய தண்டனை யாது? என்பன போன்றவற்றில் நடுவரின் தீர்ப்பே இறுதியானது. 

      கால்பந்து அமெரிக்க தேசத்தின் தேசிய விளையாட்டாக விளங்குகிறது. கால்பந்திற்கு என்று பல்வேறு போட்டிகள் நடத்தப்பட்டாலும், உலகக்கோப்பைப் போட்டியே பிரதானமானது.